簡單生活。

【分享】臺灣公視《我們的島》第1203集 EP1203　大旱之下系列三〈竟然沒渴死的春茶，全靠茶農這樣抵抗氣候逆境〉


臺灣公視《我們的島》第1203集 EP1203
首播時間：2023/05/08
大旱之下系列三〈竟然沒渴死的春茶，全靠茶農這樣抵抗氣候逆境〉
收看網址：https://youtu.be/8qhExUbt9t8

收看完整影片：
　　


這是在南投廬山的茶園，標高一千七百公尺，屬於奇萊能高山茶區，放眼望去，只見一片的青綠，生機盎然，空氣中飄散著淡淡的茶香，茶樹的葉片枝條，摸起來柔軟有彈性。

這是佇南投廬山的茶園，海拔一千七百公尺，歸類佇奇萊的能高山的茶區，遠遠看過去，干焦看著一片的青翠，充滿著萬物生湠的韌命，佇空氣當中飄揚著淡薄仔茶芳，茶欉的茶葉樹椏，摸著軟㽎㽎。　Tse sī tī Lâm-tâu Lôo-san ê tê-hn̂g, hái-pua̍t tsi̍t-tshing tshit-pah kong-tshioh, kui-luī tī Kî-lâi ê 能高-san ê tê-khu, hn̄g-hn̄g khuànn kuè-khì, kan-na khuànn-tio̍h tsi̍t phiàn ê tshenn-tshuì, tshiong-buán tio̍h bān-bu̍t senn-thuànn ê jūn-miā, tī khong-khì tang-tiong phiau-iông tio̍h tām-po̍h-á tê phang. tê-tsâng ê tê-hio̍h tshiū-ue, bong tio̍h nńg-sìm-sìm.


重點它的梗、它是很軟的，它不會粗老，你這樣子去撥它，其實它是很綿密，很像一個嬰兒的皮膚一樣，很Q軟。 要緊的是，伊的枝椏，伊是真軟，伊袂沙沙，你按呢共伊掰一下，論真伊是誠幼的，若親像一个紅嬰仔的皮膚仝款，真鬆軟。　Iàu-kín ê sī, i ê ki-ue, i sī tsin nńg, i bē sua sua, lí án-ne kā i pué tsi̍t-ē, lūn-tsin i sī tsiânn iù ê, ná-tshin-tshiūnn tsi̍t ê âng-enn-á ê phuê-hu kāng-khuán, tsin sang-nńg.


這是2023年五月初拍到的畫面，當百年大旱重創中南部的茶園，在一片哀嘆聲中，丁世達今年的春茶收成竟然是一點也不受影響，2.4公頃，他預計可以收到四千斤左右。

這是佇兩千二十三年初翕著的畫面，百年洘旱當咧嚴重傷害中部、南部的茶園，佇一寡仔吐大氣的聲音內底，丁世達今年的春茶收成煞攏無受著影響，二點四公頃，伊按算會用得收著四千斤左右。　Tse sī tī nn̄g-tshing jī-tsa̍p sann nî gōo-gue̍h tshe hip tio̍h ê uē-bīn, pah-nî khó-huānn tng-teh giâm-tiōng siong-hāi tiong-pōo lâm-pōo ê tê-hn̂g, tī tsi̍t-kuá-á thóo-tuā-khuì ê siann-im lāi-té, TING Sè-Ta̍t kin-nî ê tshun-tê siu-sîng suah lóng bô siū-tio̍h íng-hióng, jī tiám sì kong-khíng, i àn-sǹg ē-īng-tit siu tio̍h sì-tshing kin tsó-iū.


以現在今年那麼乾旱的狀況，能夠持平，算是老天爺有照顧啦。
按照現此時今年遐爾仔洘旱的情形，會當維持穩定，嘛是天公伯仔有咧鬥相共啦。　àn-tsiàu hiān-tshú-sî kin-nî hiah-nī-á khó-huānn ê tsîng-hîng, ē-tàng î-tshî ún-tīng, mā sī thinn-kong-peh--á, ū teh tàu-sann-kāng--lah.


丁世達到底有什麼秘招呢？拿著灌注槍用力地往地底鑽，這裡是石礫地，鑽起來很費勁，插到底之後，就等個大概十秒。 丁世達到底有啥物祕訣咧？灌注銃攑咧，對塗底大力鑽落去，遮是砂石仔地，鑽落去真食力，插落底了後，就等待差不多十秒鐘。　TING Sè-Ta̍t tàu-té ū siánn-mih pì-kuat--leh? kuàn-tsù tshìng gia̍h--leh, tuì thôo-té tuā-la̍t tsǹg lo̍h--khì, tsia sī sua-tsio̍h-á-tē, tsǹg lo̍h--khì tsin tsia̍h-la̍t, tshah lo̍h-té liáu-āu, tō tán-thāi tsha-put-to tsa̍p bió-tsing.


灌注槍向下扎三十公分，把開根的必要元素，還有豐富活化土壤的益生菌，依照茶樹的生理週期，打進土壤。此外，也會用人工澆灌的方式，直接將水噴灑在茶樹的底層，這個做法既可預防水分蒸散，也利於根部的吸收。為什麼要這麼麻煩？一般大家，不就是裝個鳥嘴噴灌，這樣就好了嗎？

灌注銃對下底鑽入去三十公分，植物佇塗底湠根的必要元素，猶閣有豐富刺激塗肉的、有幫贊的細菌，按照茶樹的性命活動週期，鑽入去塗肉。另外，嘛會使用人工戽水的方法，直接共水濺佇茶欉的底層，這个方法毋但會使預防燥水，對樹根的營養吸收嘛有幫贊。是按怎欲遐爾費氣咧？通常逐家，毋就是鬥一个鳥仔喙外型的灌注系統，按呢毋就好矣？　Kuàn-tsù tshìng tuì ē-té tsǹg ji̍p-khì sann-tsa̍p kong-hun, si̍t-bu̍t tī thôo-té thuànn-kin ê pit-iàu guân-sòo, iáu-koh ū hong-hù tshì-kik thôo-bah ê, ū pang-tsān ê sè-khún, àn-tsiàu tê-tsâng ê sènn-miā ua̍h-tāng tsiu-kî, tsǹg ji̍p-khì thôo-bah. Līng-guā, mā ē sú-iōng lâng-kang hòo-tsuí ê hong-huat, ti̍t-tsiap kā tsuí tsuānn tī tê-tsâng ê té-tsân, tsit ê hong-huat m̄-nā ē-sái ī-hông sò-tsuí, tuì tshiū-kin ê îng-ióng khip-siu mā ū pang-tsān. Sī-án-tsuánn beh hiah-nī huì-khì--leh? Thong-siông ta̍k-ke, m̄-tō sī tàu tsi̍t ê tsiáu-á tshuì guā-hîng ê kuàn-tsù hē-thóng, án-ne m̄-tō hó--ah?


用固定的灌溉系統，其實都是噴在茶樹的表面之外，茶樹濕了，它才會滴到我們的土，但是，土，相對性的，土的濕度可能只有濕大概一到兩公分而已，但是，用灌注槍的話，基本上，它水的保濕度可以達到非常深，甚至到茶樹根系的主根。

使用固定的灌注系統，論真攏是濺佇茶欉表面的外口，茶欉沃澹去，伊才會當滴著咱的塗肉，毋過，塗肉的相對濕度，可能干焦沃澹差不多一、兩公分爾爾，毋過，假使使用灌注銃，照情形來講，預防燥水的程度會當維持甲非常深，甚至到茶欉所有根的主體。　Sú-iōng kòo-tīng ê kuàn-tsù hē-thóng, lūn-tsin lóng sī tsuānn tī tê-tsâng piáu-bīn ê guā-kháu, tê-tsâng ak-tâm--khì, i tsiah ē-tàng tih tio̍h lán ê thôo-bah, m̄-koh, thôo-bah ê siong-tuì sip-tōo, khó-lîng kan-na ak-tâm tsha-put-to tsi̍t nn̄g kong-hun niā-niā, m̄-koh, ká-sú sú-iōng kuàn-tsù tshìng, tsiàu tsîng-hîng lâi kóng, ī-hông sò-tsuí ê thîng-tōo ē-tàng î-tshî kah hui-siông tshim, sīm-tsì kàu tê-tsâng sóo-ū kin ê tsú-thé.


每隔三十公分的距離，就打一個洞灌注，去年的冬茶收成之後，趁著水源充足，丁世達每天工作將近十二個鐘頭，連續工作了四十二天，他這麼辛苦，就是為了搶在這個時間點，來強壯樹根。

每隔三十公分，就鑽一个空，灌注落去，舊年的冬茶收成了後，趁水源飽滇，丁世達逐工作穡強欲倚十二點鐘，連紲作穡四十二工，伊遐艱苦，就是為著趁佇這陣，予樹根閣較勇壯。　Muí keh sann-tsa̍p kong-hun, tō tsǹg tsi̍t ê khang, kuàn-tsù lo̍h--khì , kū-nî ê tang-tê siu-sîng liáu-āu, than tsuí-guân pá-tīnn, TING Sè-Ta̍t ta̍k-kang tsoh-sit kiōng-beh uá tsa̍p-jī tiám-tsing, liân-suà tsoh-sit sì-tsa̍p jī kang, i hiah kan-khóo, tō sī uī-tio̍h than tī tsit-tsūn, hōo tshiū-kin koh-khah ióng-tsòng.


這個時間點是茶樹的主根生長的最佳時機點，所以，只要在這個時間點，你掌握好的話，基本上，隔年的春茶它生長的樹勢跟爆發力，也會來得比較強。

這陣是茶欉主體生長，上好的時機，所以，只要佇這陣，你若好好仔把握，隔轉年的春茶伊生長的形勢和突然產生的力量，嘛會當閣較勇壯。　Tsit-tsūn sī tê-tsâng tsú-thé sing-tióng, siōng hó ê sî-ki, sóo-í, tsí-iàu tī tsit-tsūn, lí nā hó-hó-á pá-ak, keh-tńg-nî ê tshun-tê i sing-tióng ê hîng-sè hām tu̍t-jiân sán-sing ê li̍k-liōng, mā ē-tàng koh-khah ióng-tsòng.


田間少有的私人氣象偵測站，讓丁世達在去年冬天，絲毫不敢鬆懈地加緊灌注工作，因為從氣象站傳來的資料，讓他警覺已經變天了。

佇田岸真罕得看著的私人氣象偵測站，佇舊年的冬天，予丁世達一點仔都毋敢輕可，趕緊做灌注的工課，因為對氣象站傳送過來的資料，予伊警覺著已經變天矣。　Tī tshân-huānn tsin hán-tit khuànn-tio̍h ê su-jîn khì-siōng tsing-tshik tsām, tī kū-nî ê tang-thinn, hōo TING Sè-Ta̍t tsi̍t-tiám-á to m̄ kánn khin-khó, kuánn-kín tsò kuàn-tsù ê khang-khuè, in-uī tuì khì-siōng tsām thuân-sàng kuè-lâi ê tsu-liāu, hōo i kíng-kak tio̍h í-king piàn-thinn--ah.


其實，會有這樣子的警覺心，是因為從去年的冬茶，去年冬茶在採摘的時候，正常來講，山上的話，空氣中的濕度是比較偏高的，可是，冬茶在產作的那十天左右的時間，濕度都是很低的，從白天到晚上，濕度都是比往年低大概二十趴（20%），甚至到三十趴（30%）左右，其實這是不正常的現象。

論真來講，會有按呢的警覺意識，是因為自舊年的冬茶，舊年佇咧採收冬茶的時陣，按正常情形來講，若是佇山頂，空氣當中的溼度是比較較懸。毋過，冬茶佇生產製作的彼十工左右的時間，溼度攏誠低，自日時到暗時，溼度攏是比往年低差不多百分之二十，甚至到百分之三十左右，其實這是反常的狀況。　Lūn-tsin lâi kóng, ē ū án-ne ê kíng-kak ì-sik, sī in-uī tsū kū-nî ê tang-tê, kū-nî tī-leh tshái-siu tang-tê ê sî-tsūn, àn-tsiàu tsìng-siông tsîng-hîng lâi kóng, nā-sī tī suann-tíng, khong-khì tang-tiong ê sip-tōo sī pí-kàu khah kuân. M̄-koh, tang-tê tī sing-sán tsè-tsok ê hit tsa̍p kang tsó-iū ê sî-kan, sip-tōo long tsiânn kē, tsū ji̍t--sî kàu àm-sî, sip-tōo lóng sī pí óng-nî kē tsha-put-to pah hun tsi jī tsa̍p, sīm-tsì kàu pah hun tsi sann tsa̍p tsó-iū, kî-si̍t tse sī huán-siông ê tsōng-hóng.


即使有長達九公里的水管、還有容量九百五十噸的蓄水池，但老天會乾旱到什麼程度，無法預測。所以，唯有強壯根系、增加抵抗力，才是茶樹抵抗逆境的根本之道。做茶十三年，丁世達一直都是用腦袋在工作，包括肥料，都捨得花兩倍的價錢，購買小分子、已經熟成的肥料，因為如此一來，就不需要灌溉很多水，來慢慢地發酵、分解肥料。

雖罔有九公里遐爾長的水管、猶閣有會當囤九百五十噸的水庫，毋過，料想袂到天公伯仔到底會洘旱甲啥物款的程度。所以，只有勇壯所有的根本、加添抵抗力，這才是茶欉阻擋逆境的重要方法。做茶米十三年，丁世達一直攏是動腦筋佇咧作穡，包括肥料，攏真甘開兩倍的價數，買分解的物質、已經到分的肥料，因為按呢做，就毋免灌注足濟水，囥予伊沓沓仔發酵，分解肥料。　Sui-bóng ū káu kong-lí hiah-nī tn̂g ê tsuí-kóng, iáu-koh ū ē-tàng tún káu pah gōo-tsa̍p tòng ê tsuí-khòo, m̄-koh, liāu-sióng-bē-kàu thinn-kong-peh--á khó-huānn kah siánn-mih khuán ê thîng-tōo.　 sóo-í, tsí-ū ióng-tsòng sóo-ū ê kin-pún, ka-thiam té-khòng-la̍t, tse tsiah-sī tê-tsâng tsóo-tòng gi̍k-kíng ê tiōng-iàu hong-huat.　tsò tê-bí tsa̍p sann nî, TING Sè-Ta̍t it-ti̍t lóng sī tāng-náu-kin tī-leh tsoh-sit, pau-kuat puî-liāu, lóng tsin kam khai nn̄g puē ê kè-siàu, bé hun-kái ê bu̍t-tsit, í-king kàu-hun ê puî-liāu, in-uī án-ne tsò, tō m̄-bián kuàn-tsù tsiok tsē tsuí, khǹg hōo i ta̍uh-ta̍uh-á huat-kànn, hun-kái puî-liāu.


---
---